Skip to content Skip to navigation

Montaxe en cartel

45 ANOS DE TEATRO

"PEER GYNT: PRIMEIRA SUITE

 

Logo dun intenso traballo na adaptación da montaxe do ano 2016 para podermos achegala a todos os lugares onde nos chamen, imos  ofertar a Suite Primeira de Peer Gynt.

Un formato máis contido, pero un traballo teatral igualmente intenso e complexo. Sesenta minutos de emocións, risas, bailes, conversas con xenio e por último, de choros.

SIPNOSE ARGUMENTAL (suite primeira)

Esta obra é un dos grandes exemplos que nos deu a historia da música incidental. En 1867 Henrik Ibsen rematou o seu novo drama "Peer Gynt". Unha obra totalmente nova no seu repertorio, xa que evocaba mundos fantásticos propios do folclore nórdico. A obra orixinal fora escrita en verso e concibida so para ser lida e non representada, debido ás grandes dificultades que supoñía os necesarios cambios de escenas. Pero Ibsen foi convencido de que, cun bo apoio musical que amenizara os cambios de escenas, o público soportaría mellor as pausas e o desenvolvemento da representación sería máis fluído. É desta forma como se produce a unión de Ibsen co gran compositor nórdico Edvard Grieg. O 24 de febreiro de 1876 o drama é interpretado por primeira vez coa música de Grieg, sendo todo un gran éxito.

Peer Gynt é un nórdico aldeán, mullereiro e aloucado, cuxa ambición na vida é ser rico e poderoso. Na voda da que fora a súa primeira noiva queda prendido dunha fermosa moza chamada Solveig, pero esta de principio rexéitao; entón decide impedir tal voda, á que non fora convidado, fuxindo coa noiva ás montañas e, logo de aproveitarse dela, abandónaa e fuxe.  A noiva, Ingrid,  volve ao pobo acusando a Peer Gynt de rapto e violación.

Peer Gynt abandona o fogar temeroso de ser preso e agóchase nas montañas, onde se topa coa filla do Rei Dovre, a quén seduce e déixaa preñada. Fuxe de novo daquel inferno para verse con Solveig, quen lle conta o que acontece na contorna da súa casa e a mala saúde da súa nai que falece cando a vai visitar. Peer Gynt sente a traxedia e decide abandonar o seu país na busca da fortuna que sempre soñou.    

 Temos un adianto neste vídeo:                            

 https://photos.app.goo.gl/XMA3FbWb5NqVShdj2        

Máis info e novidades en:

https://www.facebook.com/teatroescoitade/

                                                                                 

 

 


Centro Veciñal e Cultural de Valladares - Copyright © 2014